Тыдзень беларускай мовы і літаратуры
05.02.2021
Віншуем пераможцаў!
Вынікі конкурсу юных паэтаў “Проба пяра”
I месца – Нагарновіч Марыя, 6 “А” клас
II месца – Пятроў Арцём; 5 “Б” клас
Гук Ангеліна – 8 “А” клас
III месца – Лучыц Алеся, 9 “В” клас
За акцёрскае майстэрства
дыпломам узнагароджваецца
Зыранаў Яўгеній
Чытаем разам
У рамках Тыдня беларускай мовы і літаратуры 6 лютага 2021 года ў нашай школе ў форме анлайн прайшоў творчы конкурс юных чытальнікаў “Жывая класіка-2021”. Конкурс быў прымеркаваны да 125-годдзя з дня нараджэння беларускага байкапісца і драматурга, народнага паэта і класіка Кандрата Крапівы. У мерапрыемстве прынялі ўдзел 25 вучняў V-X класаў.
Удзельнікі конкурсу чыталі творы Янкі Купалы, Уладзіміра Караткевіча, Пімена Панчанкі, Максіма Багдановіча, Петруся Броўкі, байкі Кандрата Крапівы і іншых беларускіх паэтаў. Вершы былі прысвечаны роднай мове, Бацькаўшчыне, Вялікай Айчыннай вайне, беларускім краявідам.
Кожны вучань па-мастацку выразна і арыгінальна стараўся прачытаць выбраныя ім творы.
Г. А. Паляшчук , настаўнік беларускай мовы і літаратуры
Вынікі школьнага конкурсу юных чытальнікаў “Жывая класіка-2021”
Дыпломам I ступені ўзнагароджваюцца:
- Юнкевіч Марыя, 5 “Б” клас (Алесь Бачыла “Матчына мова”)
- Нагарновіч Марыя, 6 “А” клас (Рыгор Барадулін “Першы снег”)
- Падаляка Паліна, 8 “Б” клас (Максім Багдановіч “Слуцкія ткачыхі”)
- Паўловіч Аляксандра, 8 “Б” клас (Пімен Панчанка “Дзеці вайны”)
- Шаціла Дар’я, 9 “А” клас (Лёля Багдановіч “Жудаснае ўчора”)
- Молаш Яўгенія, 10 “Б” клас (Пятрусь Броўка “Роднае слова”)
Дыпломам II ступені ўзнагароджваюцца:
- Кронда Іван, 5 “В” клас (Ніл Гілевіч “Снежны дзед”)
- Харужая Валерыя, 6 “В” клас (Марыя Шоўжык “Мая Радзіма”)
- Палякова Ганна, 10 “А” клас (Янка Купала “Думкі”)
Дыпломам III ступені ўзнагароджваюцца:
- Шаціла Ягор, 5 “А” клас (У. Караткевіч “Бацькаўшчына”)
- Грыпіч Аляксандр, 6 “А” клас (Кандрат Крапіва “Кот на лаўрах”)
- Шамярэй Аліна, 9 “Г” клас (Анатоль Галушка (“Палын”)
Віншуем пераможцаў!
Першыя крокі
“Творчасць – гэта стан душы, гэта магчымасць сказаць тое, аб чым думаў, мабыць, кожны, аднак, не знайшоў тых слоў, тых выразаў, тых фарбаў і адценняў, а на небе ўбачыў проста воблакі, а не карагод прыгажунь, што танцуюць вальс...” 5 лютага 2021 года ў рамках Тыдня беларускай мовы і літаратуры прайшоў конкурс “Проба пяра”. Да ўдзелу ў конкурсе былі запрошаны вучні 5-11 класаў. Сабраліся юныя паэты, якія робяць першыя крокі на ніве творчасці, і тыя, хто проста цікавіцца паэзіяй, хто захапляецца беларускай літаратурай.
Мерапрыемства было прысвечана 100-годдзю з дня нараджэння народных пісьменнікаў Беларусі - Івану Шамякіну і Івану Мележу.
Перад пачаткам конкурсу Шаціла Дар’я, вучаніца 9 “А” класа, пазнаёміла прысутных з творчасцю пісьменнікаў-юбіляраў, расказала пра цікавыя звесткі з жыцця мастакоў слова і пра пачатак іх літаратурнай дзейнасці.
Потым вучні-паэты чыталі свае вершы. Тэматыка твораў была самая разнастайная: пра родны горад Івацэвічы, пра казачную пару зіму, пра незвычайныя аблокі, пра жыццё, пра мужнасць і адвагу людзей.
Журы пажадала канкурсантам не пакідаць пісаць, працягваць тварыць, марыць, рабіць крокі да новых дасягненняў на літаратурнай ніве.
Г. А. Паляшчук, настаўнік беларускай мовы і літаратуры
Падчас тыдня беларускай мовы і літаратуры 4 лютага ў 9”В” класе прайшоў конкурс эрудытаў “Мова- духоўны скарб народа” . Вучні раздзяліліся на каманды і актыўна ўключыліся ў спаборніцтва.
Ім былі прапанаваны рубрыкі “Перакладаем”, “Тлумачым”, “Цытуем”, “Адгадваем”. Кожная каманда імкнулася як мага хутчэй даць правільны адказ. У выніку ўсе каманды паспяхова справіліся з заданнямі і атрымалі ўзнагароды і падзяку ад настаўніцы беларускай мовы і літаратуры.
Моўныя самацветы
Наша родная мова – прыгожая, багатая, самабытная. Найкаштоўнейшым скарбам беларускай мовы, яе “залацінкамі” з’яўляюцца фразеалагізмы.
“Падарожжа па фразеалогіі” – пад такой назвай праходзіў Тыдзень беларускай мовы і літаратуры 3 лютага 2021 г. У гэты дзень вучні школы прынялі ўдзел у аўкцыёне “Растлумач фразеалагізм – атрымай цукерку”. Неабходна было прыгадаць вядомыя фразеалагізмы, а таксама растлумачыць значэнне прапанаваных устойлівых выразаў. Вучні праяўлялі кемлівасць і найчасцей называлі такія фразеалагізмы, як вочы на лоб палезлі, часаць языком, рукой падаць, душа ў душу, кату па пяту, апускаць рукі, мазоліць вочы, кляваць носам. Цяжкасці ўзнікалі з тлумачэннем фразеалагізмаў ахілесава пята (слабае месца чалавека), выйсці ў людзі (дабіцца высокага становішча ў жыцці), бібікі біць (гультаяваць). Вучні папоўнілі свой лексічны запас вобразнымі і каларытнымі выразамі.
Самымі актыўнымі ўдзельнікамі аўкцыёна былі вучні 8 “Б” класа.
У гэты ж дзень для вучняў 5-7 класаў праходзіў конкурс “Намалюй фразеалагізм”. Вучні стваралі ўласныя ілюстрацыі паводле фразеалагізмаў.
Няхай свецяцца гэтыя моўныя самацветы, залацінкі народнай мудрасці, у выказваннях вучняў і настаўнікаў і ўпрыгожваюць нашу мову.
Г.А. Паляшчук, настаўнік беларускай мовы і літаратуры
Падчас тыдня беларускай мовы і літаратуры ў 9 “Б” класе 3 лютага прайшлі інтэлектуальныя спаборніцтвы “Разумнікі і разумніцы”. Свае веды дэманстравалі дзве каманды: “Разумнікі” (хлопцы) і “Разумніцы” (дзяўчаты). Спаборніцтва складалася з пяці тураў “Разміка”, “Інтэлектуальны бой”, “Фразеалагізмы”, “Расшыфруй прыказку”, “Назаві адным словам”. Перамогу атрымала каманда “Разумнікі”, у склад якой уваходзілі Анішчык Ягор, Бажыдай Ягор, Дылюк Кірыл, Люціч Яўген. Таксама ўдзел у гульні маглі прыняць і гледачы. Сярод іх лепшыя веды паказаў Барэйка Мікіта.
Корза Л.У., настаўнік беларускай мовы і літаратуры
У конкурсе “Намалюй фразеалагізм”, што праходзіў у час тыдня беларускай мовы і літаратуры, прынялі ўдзел вучні 5-7 класаў. Перамогу атрымалі:
Дыплом першай ступені
Лунь Алёна 6”Д”клас,
Турко Марыя 7”В” клас,
Хонская Валерыя 5 “Б” клас
Дыплом другой ступені
Мацвееня Ксенія 6 “Д” клас,
Пятроў Арцём 5 “Б” клас,
Харужая Валерыя 6 “В” клас
Дыплом трэцяй ступені
Палуяновіч Анастасія 7 “А” клас,
Юнкевіч Марыя 5 “Б” клас,
Гарбачова Арына 7 “А” клас,
Гурыновіч Валерыя 7 “Б” клас
Віншуем пераможцаў!
Корза Л.У., настаўнік беларускай мовы і літаратуры
1 лютага ў нашай школе пачаўся Тыдзень беларускай мовы і літаратуры. На працягу гэтага Тыдня будуць праводзіцца розныя мерапрыемствы, якія будуць спрыяць выхаванню ў дзяцей любові да роднай мовы і жаданню ёй карыстацца ў паўсядзённых зносінах.
У дзень адкрыцця Тыдня, 1 лютага, вучні 5 "Г" класа адправіліся ў падарожжа па родным краі. Гэта было незвычайнае падарожжа. Каб трапіць з аднаго прыпынку ў другі, патрэбна было выканаць заданні. Іх чакалі " Гістарычны", "Лясны", "Літаратурны", " Цікавыя загадкі", "Востры на язык", "Традыцыі і звычаі" прыпынкі, дзе дзеці паказалі свае веды . Падарожжа завяршылася прыпынкам " Юныя паэты" , на якім вучні спрабавалі скласці верш па апорных словах. Падарожжа атрымалася цікавым і пазнавальным.
Шыманчык Г.М., настаўнік беларускай мовы і літаратуры